ብዛዕባ ወፈራ

ናይዚ ዝካየድ ኣስተምህሮ ጠቕላሊ ዓላማ፡ ኣብ መንጎ ብመበቈል ኣባላት ንኡሳት ዓሌታት ዝዀኑ፤ ሰብኡት፡  ኣንስቲ፡  መንእሰያት ማዕርነት ከም ዝጉልብት፡ ኣሉታዊ (ዘይቅዱው) ማሕበራዊ ምቁጽጻር ግን ከም ዝጐድል ምግባር እዩ።

ብዛዕባ መሰላትን ማዕረነትን፡ ኣሉታዊ ማሕበራዊ ቁጽጽርን፡ ተወሳኺ ፍልጠት ምሃብ፡ ምስኡ እውን ምይይጥን ምስልሳልን ከም ዝፍጠር ምግባር፤ እዚ ከኣ፡ ናይ ንኡሳት ዓሌታት ኣባላት ዝዀኑ ሰብኡትን ኣንስትን፡ እቶም ንማዕርነት ዝዓግቱን፡   ኣሉታዊ ማሕበራዊ ምቁጽጻርን ኣብ መዓልታዊ ናብራኦም ኣብ ዘጋጠምዎም ከም መሳርሒ የገልግሎም ።  ስለዚ ዘይቅዱዋት ተግባራት ይጐድሉ።

እዚ ዝካየድ ኣስተምህሮ ንኣንስቲ ዝምልከት ዓላማኡ ኣብ ጉዳያት ናይ ባዕልኻ ትሕዝቶ ገንዘብ (ቁጠባ)፡ ፍትሕ፡ ዓመጽ (ጥቕዓት)፡ ወሲብ (ግብረስጋ)፡ ድንግልነት ወዘተ… ጭቡጥ ፍልጠት ንዓኣተን ምሃብ፣ ኣንስቲ ብዛዕባ ኣሉታዊ ማሕበራዊ ቁጽጽርን ጉድለት ማዕርነትን ክማያየጣ ዘኽእለን መድረኽ ምፍጣር፣ ከምኡ‘ውን ደቀን ምስ ዝዓብዩሎም ኩነታትን ደረታትን ንዝተሓሓዙ ርእይቶታትን ተግባራትን ምትንካፍን፡ ካልኦት ምምዕባልን እዩ። እዚኣቶም ኣብ ልዕሊ ዕብየት ደቀንን ኣብ ልዕሊ ማሕበረሰብ ኣብ ዘቕርበሎም ዕድላትን ዘኸትልዎ‘ውን ይርኧ።

እዚ ዝካየድ ኣስተምህሮ ንሰብኡት ዝምልከት ዓላማኡ፡ ኣብ መንጎ ጾታታት ማዕርነትን፡ ማዕረ ዝዀኑ መሰላት ምህላዎም መሰረታውያን ጥሪታት ደንማርክ ምዃኖም ምጥቃስ እዩ። ካብዚኣቶም፡ ከም ኣብነት ፍትሕ፡ ትሕዝቶ ገንዘብ (ቁጠባ)፡ ሕገ ቤተሰብ፡ ኣብ ቤተሰብ ዓመጽ ክልኩል ምዃኑ፡ ንደረታት ወሲብ ዝምልከቱ መግለጺታት ምሃብ፣ ከምኡ‘ውን ኣቦነት (ኣቦ ዝህልዎ ተራ) ኣብ ደንማርክ ፍልይ ዝበለ ክኸውን ምኽኣሉ …።  ኣንስቲ ወጺኧን እንተሰርሓ፡  ሰብኡት ንዝመጽእ ረብሓ ክርእዩ ምኽኣሎም ወዘተ… ከምኡ ከኣ ምጉዳል ኣሉታዊ ማሕበራዊ ቁጽጽር፡ እዞም ኮርሳት ዘስዕብዎ ጥቕሚ ክኸውን ይግባእ።

እዚ ዝካየድ  ኣብ ምሉእ ሃገር ንዝነብሩ፡ ብመበቈል ኣባላት ንኡሳት ዓሌታት ንዝዀኑ ዝቐረበ እዩ። ብሓፈሻ፡ እዚ ዝካየድ ዝምልከቶም ዓበይትን መንእሰያትን ዕቑበኛታትን ካልኦት ስደኛታትን ክነሶም፡ ናብ ደንማርክ ኣብ ቀረባ እዋን ዝመጹ‘ሞ፡ ኣብ  ትምህርቲ ቋንቋ ዘለዉ፤ ከምኡ‘ውን ኣብዚ ሃገር ንውሕ ንዝበለ ጊዜ ዝጸንሑ፡ ግን ብዛዕባ ማዕርነትን መሰላትን ደንማርክ ዘለና ፍልጠት እኹል ኣይኰነን ዝብሉ እውን እዮም።  ኣብ ታሕቲ ዝምልከቶም ጉጅለታት ምስ ዝሳማምዖም ኮርስ ተዘርዚሮም ይግለጹ።

እዞም ኮርሳት ኣብ ናይ ቋንቋ ቤት ትምህርታት፡ ኣብ ብጉዳይ ማዕርነትን “ኢንተግረሽን” ን ዝትንከፉ  ክለባትን፡ ማሕበራትን ኣብ ምሉእ ሃገር ክካየድ ተሓሲቡ ኣሎ። እዞም ኮርሳት ንኣባላትና የገድሱ  እዮም ዝብሉ ማሕበራት ኩሎም፡ ኮርስ ክእዝዙ (ክሕዙ) ይኽእሉ።

መሰረታዊ ኮርስ ንዝምልከቶም ብሰፊሑ ዝቐርብ መባእታዊ (መእተዊ) ኮርስ እዩ። ኣብ ናይ ቋንቋ ቤት ትምህርታት ኣብ DU1ሞዱል 6ን DU2ሞዱል 5ን ንዘለዉ ይቐርብ። ብናይ ቤት ምኽሪ ሕብረት ኣውሮጳ ኣማዛዝና ደረጃ ክእለት ቋንቋ፡ ኣብ መንጎ A2ን B1ንዝዀነክእለትዳንኛዘለዎምማለትእዩ።

ኣብዛ ኮርስ ኣብ ደንማርክ ብዛዕባ ዘለዉ መሰላትን ማዕርነትን፡ ከምኡ‘ውን እዚኣቶም ንነባሮ ደንማርክ እንታይ ትርጉም ከም ዘለዎም ይግለጹ፤ ክትዕ‘ውን ይግበረሎም። ናይ ሰብኡትን ኣንስትን፡ ኣብ ዕዳጋ ሸቕሊ፡ ኣብ ሓዳርን ኣብ ስድራን ዘለዉ ማዕረ ዝዀኑ መሰላትን ግዴታትን ዝዝረቡሎም ነጥብታት እዮም። ኣብ መንጎ ኣወዳትን ኣዋልድን ዘሎ ማዕርነት፣ ምስ ዕድመኦም ተተሓሒዞም ዝህልውዎም መሰላትን፣ ምስ ወለዶም ወይ ተሓለፍቶም ኣብ ዘለዎም ርክብ ዝህልውዎም ባዕልኻ ናይ ምውሳን መሰላት‘ውን ይረኣዩ።

ሰማያዊ ኮርስ ኣብ ናይ ቋንቋ ትምህርቲ ኣብ መንጎ A2ን B1ን ክበጽሑ ንዘኽእሎም ጊዜ ኣብ ደንማርክ ንዝጸንሑ ትቐርብ። ኣብ ደንማርክ ዳርጋ ኣጋይሽ ስለ ዝዀኑ ዝወሃቦም ትምህርቲ ማዕርነት መባእታዊ ይኸውን። እዚ ኮርስ ዝምልከቶም ኣካለ መጠን ዝዀኑ፣ ምርዑዋትን፡ ውላድ ዘለዎም‘ውን፣ ኣባላት ንኡሳት ዓሌታት እዮም፤ ኣብዚ ኮርስ ንዓኣቶም ዝዀኑ እተመረጹ ቴማታት ኣለዉ። ካብኣቶም ኣብ ዕዳጋ ሸቕሊ፡ ኣብ ሓዳር ዘሎ ማዕርነት፡ ናይ ኣወዳትን ኣዋልድን ብማዕርነት ምዕባይ ይርከቡ።

ቀይሕ ኮርስ ኣካለ መጠን ንዝዀኑ፣ ምርዑዋትን ውሉድ ዘለዎም‘ውን፣ ኣባላት ንኡሳት ዓሌታት ይቐርብ። እዚ ኮርሲ ኣብ ደንማርክ ንውሕ ንዝበለ ጊዜ ንዝነበሩ ተባሂሉ እተዋቐረ እዩ። ኣባላት‘ዚ ጉጅለ ሓፈሻዊ ዝዀነ ፍልጠት ማዕርነትን መሰላትን ደንማርክ ኣለዎም። ይኹን‘ምበር ኣጸቢቖም ናይ ምፍላጥ ድልየት ክህሎም ይኽእል። ስለዚ ከኣ ኣብዚ ኮርስ፡ ምስ መዓልታዊ ናብራ ስድራ ንዝተሓሓዙ ሕቶታት ማዕርነት ካብ እተፈላለዩ ጐኒታት ብዕምቈት ንርኢ። ካብ ኣብኡ ዝህልዉ ነጥቢታት ናይ ምንባይ ግዴታ፡ መዝነት ወላዲ፡ ፍትሕን፡ ናይ ቈልዑን መንእሰያትን መሰል ባዕልኻ ምውሳን እዮም።

ቀጠልያ ኮርስ ዝምልከቶም  ናይ መጠነ–ኣካል መዝነት ዘይብሎም ወይ ዘለዎም (ዕድመኦም ካብ 18 ዓመት ዝተሓተ ወይ ዝለዓለ) ውሉድ ዘይብሎም፡ ዘይምርዑዋት መንእሰያት እዮም። እዚ ኮርስ፡ ናይ ክእለት ዳንኛ ደረጃኦም ኣብ መንጎ A2ን B1 ን ዝዀነ፡  ብዙሕ ኣፍልጦ ማሕበረሰብ ንዘይብሎም ብመጠኑ ኣጋይሽ ንዝዀኑ መንእሰያት ዝቐርብ እዩ። ናብ ኣርእስቲ ማዕርነት ቅድሚ ምስጋር  መተኣታተዊ እዩ ፤ ኣብኡ ኣወዳትን ኣዋልድን፡ ትምህርቲን  ተግባራት ጊዜ ዕረፍቲን ኣብ ምምራጽ ዘለዎም ማዕረ ዝዀነ መሰል ይጥቀስ። ከምኡ‘ውን ህዝቢ ኣብ ዝራኸበሎም (ናይ ሓባር) ቦታታት ብዛዕባ ዝግለጹ (ዝረኣዩ) ጠባያትን ኣካያይዳን ይንገር።

ብጫ ኮርስ ውሉድ ንዘይብሎም፡ ዘይምርዑዋት መንእሰያት ኣባላት ንኡሳት ዓሌታት ዝቐርብ እዩ። እዚ ኮርስ‘ዚ ኣብ ደንማርክ ንውሕ ንዝበለ ጊዜ ዝነበሩ፡ ናይ መሰላቶምን ማዕርነትን መሰረታዊ ኣፍልጦ ሃልዩዎም፡ እሱ ኣብ ህይወቶም ንዝህልዎ ኣስተዋጽኦ ኣጸቢቖም ምርዳእ ንዝደልዩ እዩ። ኣብዚ ኮርስ‘ዚ ካብ ዝለዓሉ ነጥብታት ዕርክነት፡ ፍቕረኝነት፡ ባዕልኻ ምውሳን፡ ከምኡ‘ውን ኣብ ማሕበረሰብ ተሳትፎ ምግባር  ይርከቡ።